Aurkezpena

Teknologi Parkea 1985an eratu zen Zamudioko udalerrian, Euskadiko erakundeen bultzadaren eraginez eta industriaren dibertsifikazioa nahiz teknologiaren eta berrikuntzaren transferentzia eta hedapena sustatze aldera. Gaur egun, Parkea Zamudio eta Derioko udalerrietara hedatuta dago. Bizkaiko Teknologi Parkeak, gainera, zabalkunderako bi egitasmo abiarazi ditu: bata Abanto eta Ortuellako udalerrietara, Ezkerraldeko proiektuarekin eta beste Leioara, EHUren Zientzia Parkearen proiektuarekin.

Zamudion eta Derion, 213 hektarea biltzen ditu inguru pribilegiatuetan eta bertan ikerketa-zentroak eta enpresa teknologiko aurreratuak kokatzen dira komunikazio-azpiegitura bikainekin batera. Leioako Zientzia Parkea eta Ezkerraldeko proiektuekin bere zabalera 292 hektareatara iritsiko da.

Bizkaiko Zientzia eta Teknologia Parkearen aireko ikuspegia