Energiak euskal erakundeen apustu estrategikoa erakarriko du 2011ra arte

Bizkaia

Energia, bioteknologia, eraikuntza eta teknologia berriak. Hauexek dira Eusko Jaurlaritzak eta Foru Aldundiek urte honen eta 2011. urtearen artean garatzeko aukeratutako proiektuak. Izen-abizenak dituzten hamar ekimen hauek 648,35 milioi euroko inbertsioa ekarriko dute, Jaurlaritzaren eta foru erakundeen 31,47 milioiko diru-laguntza jasoko dute eta 2.521 enpleguren sortzaile izango dira. Hamar asmo hauekin erakundeek frogatu nahi dute krisiak ez duela Euskadiko produkzio-jarduera etengo. Diruz lagundutako ekimenen artean Bizkaiko Teknologia Parkean kokatutako hiru enpresek aurkeztutakoak ageri dira: Ibermáticarena, I+G jarduerak garatzea xede duten bere instalazio berrientzako; Ingeteamek aurkeztutakoa, ikerketarako azpiegitura berriak sortzeko eta fabrikazio-prozesuak martxan jartzeko eta, azkenik, Ormazabalena, bere Taldeko enpresa bati zuzendua (Widewall Investiments), erdi-tentsioko eta potentzia energetikoko banaketa-segmentuari dagokionez, I+Gn eta azpiegitura teknologikoetan eta produktiboetan egindako inbertsioengatik.

Partekatu

Beste berri batzuk